查理阿蛋：皇马「-2」有揸「拿」

帅气班长

查理阿蛋：皇马「-2」有揸「拿」
C朗「谢斯仔」状态火热
今晚西班牙盃上演16强首回合赛事，其中皇家马德里将会喺主场迎战奥沙辛拿！「银河舰队」嘅伤兵已经慢慢复出，最紧要嘅係王牌C朗拿度受到恩师尤西比奥嘅辞世激发，踢到着晒火，拍住愈踢愈有嘅新星谢斯洛迪古斯，让到两球都冇有怕，一于力捧1.75倍「让球主胜」啦！
（now632台周五凌晨4:30直播）
讲到国际球坛近排最重要嘅事件，当然要数「黑豹」尤西比奥因心脏病辞世，同佢素有交情嘅新一代葡萄牙天王C朗拿度，上仗亦都为恩师梅开二度兼射入职业生涯第400球。
其实早喺C朗成名之初，尤西比奥就曾经大讚佢极具成为顶级球星嘅潜质：「（成为球星）条路一早为佢铺好咗。」到咗今日C朗已经成为世界顶尖球员，相信近两场联赛攻入3球嘅佢，今仗会继续为悼念「黑豹」发威，拍住上仗再度交出助攻嘅新星谢斯洛迪古斯，绝对炒得起奥沙辛拿。
「大圣爷」复出火力更勐
仲有呀，唔好唔记得养咗伤一段时间嘅加里夫巴利已经喺上场对切尔达嘅西甲后备上阵，更交出靓助攻，今仗有望继续披甲操Fit状态。「大圣爷」受伤前曾经喺3场赛事入面轰入5球，今次对住全季喺各项赛事作客得两胜嘅奥沙辛拿，自然係佢数胡嘅机会，加埋大佬C朗，省多几粒冇难度啦！

滚滚潮牛

看的我这叫累